Заседание клуба (июнь)

10 чэрвеня 2014 года ў ДУ “Віцебскі абласны метадычны центр народнай творчасці” адбылося ўрачыстае адкрыццё выставы “Зямля бацькоў-жыцця майго крыніца” народнага клуба народных майстроў і мастакоў “Крыніцы” Лёзненскага раённага Дома рамёстваў.       Гэта выстава справаздачная, у ёй прынялі ўдзел 22 члена клуба. Лепшыя работы і самыя актыўныя майстры прадстаўлялі Лёзненшчыну ў вобласці. На выставе прадстаўлена звыш 400 работ ў розных тэхніках і напрамках мастацкай творчасці.

         Выстава размясцілася ў дзьвух залах. Цэнтральная кампазіцыя выставы складалася з перапляцення Лёзненскіх ручнікоў выкананных майстрамі: Лубскай Т.А. і Гаўрыленка Г..Традыцыйныя падвясныя саламяныя канструкцыі “павукі”прадставіла майстар Шляхтава А.Л.. Вялікая і цікавая калекцыя работ была прадэмантравана па пляценню з лазы членам Рэспубліканскага Саюза майстроў і мастакоў Шаўцовай І.А. і майстрам Казловай Т.Р. Работы гэтых майстроў трэба не толькі ўбачыць, іх трэба патрымаць у руках каб разумець асабістую прыгажосць лазовай галінкі, той пах леса якім аддае выраб і акуратнасць выканання пляцення.

         Тэхніка ласкутнага шыцця апошнія два гады зацікавіла нашых майстроў клуба. Традыцыйныя посцілкі Гаўрыленкі Г.Л. і Казловай Т.Г. дапоўніліся яркімі, прыгожымі і добра выкананымі работамі Агнішчанка Ніны Пятроўны. Тэматыку беларускіх народных свят у сваіх работах скарыстала Шчарбіцкая К.І.. Вырабы з гліны прадставілі два майстра: Ларанкова В.В. і Мартысевіч К.В. Насценыя пано і калекцыя свістулек пераконвае нас у тым, што традыцыя ручной лепкі з гліны бабінавічскіх майстроў працягваецца. Кампазіцыя “Воінам вызваліцелям Лёзненшчыны прысвячаецца” (аўтар Мартысевіч К.В) выканана ў выглядзе карты Лёзненскага раёна на якой размешчаны помнікі Вялікай Айчынай вайне.

          Сокалава Ала Уладзіміраўна другі раз прымае ўдзел у абласных выстах, але яе кампазіцыі з кожы і канструяванне з дроту прыцягвалі гледачоў да сябе. Бісерапляценне, карункапляценне і скрапбукінг прадставілі В.А Алімпіева, Мацюшкова Т.Ф., Апет Н.А.і Рошка А.М. .Вялікая колькасць работ была выкана для гэтай выставы Ісмаілавай С.З. і Рудэнка Е.Я.. Ад маленькіх сувенірных цацак і лялек да маляванных дываноў і дэкаратыўных пано выкананых у тэхніках мастацкі роспіс і мастацкая апрацоўка скуры.

         Родныя мясціны, прыгажосць прыроды ў сваіх работам вельмі добра адлюстравалі нашы мастакі:Седнева Т. А., і Яршоў В.І.. Віктар Іванавіч прадставіў свае работы якія з’явіліся за апошні час у яго хатняй калекцыі, сярод якіх і партрэт жонкі Валянціны.

Сваю калекцыю работ у тэхніцы вышыўка і дэкупаж прадставіла кіраўнік клуба Рошка Алена Генадз’еўна. Для яе гэта справаздачная выстава была вельмі адказная, так як акрамя падрыхтоўкі работ да выставы неабходна было аформіць дакументацыю па рабоце клуба за 2012-2014гады..

         Адкрыццё выставы праходзіла пад гукі беларускай музыкі ансамбля народных інструментаў Лёзненскай дзіцячай школы мастацтваў. Наведвальнікі не толькі пазнаёміліся з майстрамі, але многія атрымалі падарункі з рук майстроў, актыўна прынялі ўдзел у майстар-класах і практычных кансультацыях. Чарговае званне “народны” клуб народных майстроў і мастакоў “Крыніцы” падцвердзіў. Тамара Аляксандраўна Седнева прысвяіла клубу “Крыніцы” наступныя радкі:  

                   “Серый день, иль на улице ясно

                     В нашем клубе царство красот

                     Клуб «Крыніцы» - нет не напрасно

                     Существует не первый год.